Vdes ne spital e vetehelmuara
TIRANE - E vetehelmuar prej disa ditesh ka gjetur vdekjen ne spital nje e moshuar. Burime zyrtare nga Policia e Tiranes thane gjate dites se djeshme se, jane njoftuar nga Spitali Ushtarak qe ka gjetur vdekjen 70-vjecarja, Meleqe Nurcja. Vdekja e saj ka ndodhur dy dite me pare ne oren 7 te mengjesit, pasi kishte shkuar e vetehelmuar. Policia tha se, nga veprimet hetimore te kryera, eshte arritur ne perfundimin se, viktima ka qene e shtruar ne repartin e toksikologjise, e vetehelmuar. Gjate hetimeve eshte bere e ditur se, 70-vjecarja kishte shkuar ne spital disa ore para se te gjente vdekjen. Gruaja ishte derguar nga te afermit per mjekime, por bluzat e bardha nuk kane bere te mundur shpetimin e saj. Hetimet per kete rast, jane bere nga efektivet e Komisariatit numer 4 te Policise, te cilet dosjen e kesaj ngjarjeje ia kane deleguar Prokurorise se Tiranes. A. C