Vdes ne vetmi 100-vjecari, lopa vret te moshuaren

Kater vdekje ne rrethana ende te paqarta, kane ndodhur brenda 24 oreve te fundit ne Elbasan dhe Durres. Nje 100-vjecar u gjet i pajete nga familjaret ndersa jetonte i vetmuar, kurse nje grua e moshuar dyshohet se eshte goditur per vdekje, nga lopa qe po ushqente ne kasolle. Keto dy ngjarje te dyshuara si aksidentale te ndodhura ne Elbasan, jane pasur nga dy te tjera ne Durres, ku nje 54-vjecar ka shkuar ne lokal te pije kafe, por eshte goditur nga nje atak kardiak duke gjetur vdekjen, sikurse nje 41-vjecar qe u gjet i pajete ne shtrat nga bashkeshortja, kur ishte zgjuar nga gjumi.
Ngjarja e pare ka ndodhur ne lagjen "Vriserion Xhuvani" ne Elbasan, kur te afermit gjeten te vdekur ne shtrat Sherif Tafani, 100 vjec. Grupi hetimor kreu veprimet e para, kurse nga deklarimet e familjareve rezultoi se i ndjeri jetonte i vetem ne banese dhe dyshohet se vdekja ka qene natyrore. Ne fshatin Kuqan te Elbasanit, ne kasollen e lopes ndersa ka qene duke i sherbyer, eshte gjendur nga familjaret pa ndjenja, Ollgani Bezhani, 70 vjece. Megjithese u dergua ne spital per kurim, e moshuara kishte nderruar jete gjate rruges. Policia mendon se gruaja eshte goditur nga lopa kur po e ushqente ne kasolle. Kurse ne spitalin e Durresit, eshte derguar i pajete Agim Kopshti 54 vjec, i cili eshte goditur nga ataku kardiak teksa pinte kafe ne lokalin e lagjes dhe aty ka humbur ndjenjat. Sipas familjareve i ndjeri vuante nga semundja e zemres prej vitesh. Ngjarja e fundit ka ndodhur ne lagjen nr. 14 te qytetit bregdetar, kur Astrit Haxhia 41 vjec, u gjet nga gruaja ne krevat i pajete, ndersa ishte duke fjetur. Sipas deshmise se bashkeshortes, i ndjeri vuante nga semundje te brendshme prej shume kohesh.

Policia
Megjithese policia ka marre deshmite e familjareve, ku ngjarjet rezultojne te gjitha aksidentale, grupet hetimore deklaruan se ende nuk kane mbyllur verifikimet e materialeve dhe provave. Deri ne zbardhjen e plote te shkaqeve, dosjet po i heton prokuroria vendore.