Veleciku, ne udhen e duhur
Trajneri i skuadres se Velecikut per sezonin 2005 2006, Selami Pepa, ne nje prononcim te tijin per "Sport Ekspres", jo pak i shqetesuar per problemet, shume nga te cilat te mbartura qe nga sezoni i kaluar, qe po e mundojne ende skuadren e Malesise se Madhe, sidomos ne drejtim te anes financiare, eshte shprehur se "eshte i gatshem per ta drejtuar skuadren qe nga pankina". Sipas asaj qe thote, tekniku Pepa sqaroi se keto dite, enkas per kete problem, do te zhvilloje nje takim koke me koke me kryebashkiakun Perlat Ramcaj. Gjithnje sipas Pepes, ne kete takim do te shtrohen te gjitha problemet qe duhen kapercyer deri ne fillimin e pergatitjeve per fazen pergatitore te skuadres dhe pjesemarrjen e Velecikut ne kampionatin e kategorine e dyte per kete sezon.
Nderkohe duhet thene se levizja e Pepes me se shumti ka ardhur si rezultat i premtimit te bere nga numri nje i qytetit te Koplikut, Perlat Ramcaj, qe para pak ditesh pati deklaruar se "pushteti vendor do te beje te pamunduren qe skuadra e Velecikut te mos shperbehet". Dhe, faktikisht, premtimi i kryebashiakut Ramacaj duket se do te behet realitet pasi qeveria ne grantin shtese ka akorduar fondin e premtuar. Pas kesaj duket se kemi te bejme me nje garanci te plote per qendrueshmerine e Veleciut edhe kete sezon. Fale ketij fakti, atmosfera ne kampin e koplikasve ka ndryshuar per mire, ndaj edhe per rrjedhoje reagimi i trajnerit Pepa ka qene i menjehershem. Keshtu, se shpejti pritet te shpallet dhe lista e futbollisteve, qe do te grumbullohen ne kompleksin sportiv te vellezerve Duli ne Koplik. Madje, ne kete drejtim, duket se edhe gatishmeria e futbollisteve per t'u rreshtuar nen urdhrat e teknikut Pepa, nuk do te mungoje. Ne kete rast behet fjale per ate kontigjent futbollistesh, qe aktualisht jane prezent ne qytetin e Koplikut dhe rrethinat e tij. Nje ogur i mire ne favor te ekipit eshte dhe skuadra U 17, qe drejtohet nga i mirenjohur ne gjithe zonen veriore ne drejtim te pergatitjes se elementit te ri, trajneri Besnik Duli. Vecmas kesaj, ka zera, te cilet thone se ne ngritjen e Velecikut per sezonin e ri 2006 2007, do te kete nje bashkepunim te ngushte mes dy trajnereve Pepa e Duli, per te bere nje skuader dinjitoze e kompetitive. Lidhur me keto levizje te fundit gjithcka do te marre formen e plote ne zyrat e kryebashkiakut Perlat Ramcaj. Nderkohe, futbolldashesit e zjarrte koplikas, te entuziazmuar nga lajmet e mira qe po degjojne, po e presin me padurim diten kur skuadra e tyre e zemres do te filloje stervitjen.
Bashkim Ramekaj
Sport Ekspres