Velipoja premton kushte, Ujka: Gati për sezonin e ri

Kur kanë mbetur pak kohë përpara nisjes së sezonit turistik, në plazhin më të madh të veriut në Velipojë kanë nisur përgatitjet e para për të pritur pushuesit.

Plazhi i Velipojës është kthyer në një prej destinacioneve më të preferuara për pushues të zonës veriore dhe të Kosovës. Pastrimi i plazhit, sipas drejtuesve të pushtetit vendor, do të përfundojë para nisjes së sezonit turistik.
 

Vëmendje do ti kushtohet pastrimit të ranishtes nga leshterikët e mbeturinat dhe vendosjes së koshave të mbeturinave. Ndërkohë në plazh do të ngrihen edhe disa pika vrojtimi me roje për t`u ardhur në ndihmë pushuesve në rast rreziku.

Sezoni turistik në Velipojë do të hapet zyrtarisht me 1 qershor ndërsa pritet që ky vit të jetë i suksesshëm pqrsa i përket numrit të turistëve që do frekuentojnë këtë plazh.