Velipojë, Meta: Premtimi i Ramës për pagat u shua pa ardhur zgjedhjet, Shkodra s’ka kohë për të humbur

Premtimi për rritjen e pagave dhe falimentimi, sipas tij, i disa bashkive, kanë qenë sot në qendër të akuzave që kryetari i PL-së, Ilir Meta, ka bërë ndaj kryeministrit Edi Rama, në kuadër të takimeve elektorale për zgjedhjet vendore në Velipojë.

Sipas tij, familja shqiptare është sot në një krizë shumë të madhe, pasi, për shkak të korrupsionit qeveritar, “situata ekonomike shfaqet e rënduar”.

“Premtimi për pagat u shua pa ardhur ende zgjedhjet. Ndërroi 5 kryetarë të komanduar bashkishë. Bashkia e Kavajës falimetoi, bashkia e Vorës falimentoi. Shkodra nuk ka kohë të provojë Ramën se e ka provuar e gjithë Shqipëria. Para disa ditësh i lutej kandidatit të pavarur në Sarandë që të tërhiqej nga gara. Kandidati i tij do të dalë i treti”- theksoi Meta.

/rtsh.al/