Vëllazëria Myslimane kundër ushtrisë

Vëllazëria Myslimane e Egjiptit premtoi të kundërshtojë lëvizjet e fundit të ushtrisë për të konsoliduar pushtetin, ndërkohë që gjeneralët në pushtet kërkuan të zbusnin frikën se ata ishin duke ekzekutuar një përpjekje për grusht shteti.

Vëllazëria Islamike bëri thirrje për protesta në mbarë vendin kundër deklaratës së ushtrisë, e cila i jep asaj dhe gjykatave të drejtën për të thënë fjalën e fundit mbi shumë politika të brendshme dhe të jashtme, si dhe mbi procesin e hartimit të kushtetutës.

Lëvizja Rinore 6 Prilli dhe disa sindikata tregtare bënë gjithashtu thirrje për demonstrata masive për të kundërshtuar kapjen e fundit të pushtetit nga ana e ushtrisë. Kjo erdhi pas shpalljes së fitores nga ana e Vëllazërisë Myslimane të kandidatit Mohammed Morsi në zgjedhjet e para të lira presidenciale të vendit.

Këshilli Suprem i Forcave të Armatosura, i cili udhëheq vendin, u zotua se do të mbajë premtimin e tij për të dorëzuar pushtetin tek presidenti i ri i Egjiptit brenda fundit të muajit. Njoftimi pasoi shpalljen e një kushtetutë të re të përkohshme nga ana e Këshillit, e cila pakëson kompetencat e presidentit të ardhshëm.