Vellezerit masakrojne me thika 21-vjecarin

Elbasan- Dy vellezer nga Elbasani kane tentuar te vrasin me thike, nje 21-vjecar pas sherrit. Seksioni Kunder Krimeve ndaj personit ka arrestuar ne flagrance Klement Pellumbin, 39 vjec, me banim ne lagjen "5 Maji" dhe Leonard Pellumbi, 23 vjec, me banim ne lagjen "11 Nentori", pasi ne bashkepunim mes tyre, kane tentuar te vrasin me thike Marsid D., me banim ne lagjen "5 Maji". Ngjarja ka ndodhur gjate oreve te pasdites se djeshme, ne nje nga rrugicat e lagjes. Dy vellezerit e armatosur me thika, i kane dale perpara 21 vjecarit dhe e kane qelluar disa here ne trup. I riu eshte perpjekur t'i shpetoje pusise, por ka qene e pamundur. Ai ka marre tre goditje te renda, ne pjese te ndryshme te trupit. Pas krimit, vellezerit jane larguar me shpejtesi nga vendi i ngjarjes. Kalimtare te rastesishem kane derguar ne spital Marsid D., qe sipas mjekeve ndodhet ne gjendje te rende per jeten. Nga hetimet paraprake rezulton se sulmi me thika ka ndodhur per motive te dobeta. Sipas policise, Klement Pellumbi ka qene njehere i denuar per vepren penale te "plagosjes se rende". Ndaj vellezerve eshte ngritur akuza e "vrasjes me dashje e mbetur ne tentative, e kryer ne bashkepunim".

F.S.