"Vendi ne krize, bankat e bizneset rrezikohen rende"
Deputeti i Partise Socialiste, Marko Bello, ngriti dje shqetesimin mbi situaten ekonomike te vendit tone. "Duket qarte se ne kete fillim viti, ne po ballafaqohemi me nje krize te thelle ne disa plane, renie e ndjeshme e prodhimit te pergjithshem bruto (GDP), zhvleresim i shpejte i monedhes vendase, rritje e cmimeve, rritje e papunesise, renie drastike e dergesave te emigranteve, thellim i varferise dhe polarizim i frikshem i shoqerise", beri te ditur Bello. Sipas tij, duke pasur parasysh faktin se gati 70 % e kredive jane marre ne valute, numri i shtetasve qe vihen ne veshtiresi per te paguar kestet mujore te kredive, eshte domethenes. "Per pasoje, bankat rrezikojne te mos arketojne kredite e dhena, te vihen ne veshtiresi, ndersa sektore te rendesishem mund te falimentojne edhe per shkak te nderprerjes se kreditimit nga sektori bankar", ngriti shqetesimin Marko Bello. D.D