Vendimi absurd i Maqedonise

Vijojne reagimet pas vendimit te qeverise se Maqedonise per aplikimin e sistemit te vizave me Shqiperine. Profesor Hajnc Jyrgen Akst nga universiteti i Duisburgut ne Gjermani, shprehet se Maqedonia nuk eshte aspak e detyruar te vendose sistem vizash me Shqiperine. "Maqedonia duhej te kualifikohej njehere per ne BE, pastaj per "Shengenin". Vetem atehere mund te kerkoheshin vizat, thote Akst, drejtori i katedres per integrimin e politiken evropiane ne universitetin e Duisburgut. Ne nje interviste per "Doice Velen", ai u shpreh nuk ka asnje arsye qe te justifikoje nxitimin e Shkupit per te vendosur sistemin e vizave me Shqiperine, pasi Maqedonia nuk ka filluar ende negociatat e anetaresimit me BE-ne. "Ky hap mund te kuptohet vetem si deshire e Maqedonise per te rene ne sy per mire tek BE-ja, per te pershpejtuar fillimin e negociatave te anetaresimit", - shprehet profesori. Ai permend rastin e Polonise, e cila vendosi te shtrengoje politiken e vizave me Ukrainen fqinje, vetem pak kohe perpara se te futej ne zonen "Shenge"n (dhe kur ishte bere anetare e BE-se). "Shtetet qe futen ne kete zone duhet te jene te pergatitura. Por hapi i pare eshte fillimisht anetaresimi i suksesshem ne BE, ndersa me pas vjen hapi tjeter, futja ne zonen e "Shengenit". Pikerisht perpara ketij hapi te dyte paraprin nje faze pergatitore, pra aftesimi ne ruajtjen e kufijve sipas rregullave te perbashketa te "Shengenit", plotesimi i kushteve teknike, funksionimi i sistemi te informimit. Por Maqedonia nuk ndodhet ne nje moment te tille, ndaj vendimi i qeverise se Shkupit nuk eshte aspak i justifikueshem", - vazhdon Akst, duke shtuar se nje vendim i tille mund te merrej vetem pas 5 vitesh. Sipas tij, edhe nese Maqedonia do te ishte aktualisht anetare e BE-se dhe Shqiperia jo, sistemi i vizave do te ishte i nevojshem atehere kur te behej fjale per zonen "Shengen".