Videoja e Metës, SHBA-të heqin dorë nga ekspertiza

Disa ditë më parë, në Prokurorinë e Përgjithshme ka mbërritur përgjigja refuzuese nga drejtësia amerikane, e cila shprehet se nuk do të merrte pjesë në ekspertimin e përgjimit me kamera.

Hetimet nga prokuroria shqiptare nisën menjëherë pas publikimit të video-përgjimit. Në atë kohë, Prokuroria e Përgjithshme kërkoi ndihmë nga autoritetet amerikane për të hetuar mbi saktësinë e videos së publikuar. Por, kërkesa edhe pse u pranua fillimisht është refuzuar më pas.

Meta ka shkuar vetë në Prokurori ku ka dhënë shpjegime rreth videos, e cila i shkaktoi dorëheqjen nga dy postet qeveritare që mbante. /S.Lleshi/Start/

                                                                                             2011-02-01 11:45