Vidhnin skrap ne krater, kapen shtate durrsake

Edhe pse policia vijon operacionet per kontrollin e zones se Gerdecit se bashku me forcat e ushtrise, perseri hajdutet e skrapit mesyjne drejt kraterit te tragjedise se 15 marsit. Shtate persona jane vene nen hetim nga policia e kryeqytetit, pasi jane kapur duke vjedhur predha qe me pas do shiteshin si skrap ne treg. Lajmi eshte bere i ditur nje dite me pare nga burime zyrtare te policise se Tiranes, sipas te cilave te shtate personat jane kapur ne oren 02:00 te mengjesit te djeshem ne zonen e Vores, tek po vidhnin predha me perberje bronzi. Policia tha se ndaj te shtate personave kane nisur hetimet per akuzen e "vjedhjes", dhe jane duke u hetuar ne gjendje te lire nga prokuroria. Policia e kryeqytetit ka filluar procedimin penal ne gjendje te lire ndaj te dyshuarve qe jane perkatesisht, Alim S., 21 vjec, Algert D., 24 vjec, Arjan S., 22 vjec, Ajdin C., 19 vjec, Ava S., 64 vjec, Lutfie D., dhe Jeta S., te gjithe banues ne fshatrat Fllake dhe Qerret te qytetit te Durresit. Hetimi ndaj tyre ka nisur pasi jane kapur rreth ores 02:00 te mengjesit te djeshem ne fshatin Gerdec, duke vjedhur gezhoja predhash, te cilat i transportonin me mjete te ndryshme. Kane qene uniformat blu qe kane bere dhe ndalimin e te dyshuarve, te cilet jane shoqeruar ne komisariat dhe pas marrjes ne pyetje jane lene te lire. Burime zyrtare saktesuan se gjate aksionit jane bllokuar ne cilesine e proves materiale mbi 30 cope predha, qe i jane dorezuar forcave te ushtrise ne zonen e shperthimit.

Vjedhja e skrapit, procedohen 20 persona

Shkon ne 20 persona numri i te ndaluarve dhe te proceduarve per vjedhje te materialeve per skrap ne zonen e Gerdecit pas shperthimit tragjik. Policia dhe forcat e ushtrise kane kapur te dyshuarit duke mbledhur predha afer kraterit, qe me pas i shisnin.