Vidhte banken me transaksione

Lushnje- Nje bankiere eshte arrestuar nga Policia e Lushnjes diten e djeshme, per shkak te vjedhjes se arkes se filialit privat ku dhe ishte punesuar, nepermjet transaksioneve te paligjshme, duke shkaktuar nje dem ekonomik prej 12.5 milione leke ne nje periudhe gjashte mujore. Por investigimi i Zyres se Krimit Ekonomiko-Financiar pas denoncimit te vete bankes, zbuloi edhe disa transferta te dyshimta te te dyshuares Ornela Tabaku 25 vjece, me detyren e arketares dhe banuese ne qytet. Sipas verifikimeve te kryera rezulton se ne transfertat e para, arketarja i zevendesonte shumat ne harkun kohor te nje jave, kurse ne precedentet e fundit i ka pervetesuar keto shuma per vete, duke ia marre llogarive te firmave private dhe institucioneve, ku pjesa me e madhe ishin rrogat e punonjesve. Ndaj dhe operacioni eshte koduar "Transferta e fundit". Tabaku akuzohet per "vjedhje e kryer duke shperdoruar detyren" dhe "vjedhje e bankave dhe arkave te kursimit", ndersa po hetohet per bashkepunetoret e saj qe perfitonin nga keto transferta dhe qellimi per te cilat perdoreshin parate.
"E dyshuara Ornela Tabaku, duke shfrytezuar detyren e arketares prane kesaj banke, ka vjedhur ne menyre te perseritur shuma te konsiderueshme lekesh", thane burime zyrtare pas hetimeve te kryera te bazuara ne prova te dokumentuara me ndihmen e bankes ku dhe punonte. Ne daten 30 janar 2010, 25-vjecarja dyshohet se ka bere veprime ne kundershtim me ligjin per sistemin bankar, duke terhequr ne dy raste nga llogaria e Drejtorise Rajonale te Transportit Rrugor Fier, shumen prej 4 milione lekesh, te cilen e ka arketuar serish dy dite me pas. Por arketarja nuk eshte ndaluar me kaq, pasi me 30 prill, akuzohet se ka terhequr nga llogaria e Institutit te Sigurimeve Shoqerore Lushnje ne "Cash" shumen prej 3.1 milione lekesh, te cilen e ka rikthyer me 3 maj. Edhe me 31 prill ka bere terheqjen prej 1 milione lekesh nga llogaria e "Tregut Fruta-Perime" Lushnje.
Ne daten 4 qershor banka ka kryer kontrollin e te gjithe veprimtarise pasi konstatoi dalje te pakontrolluara te parave. Ky verifikim zbuloi se pervec shumave te mesiperme, Tabaku ka terhequr nga Drejtoria Rajonale e Transportit Rrugor Fier, shumen prej 12.5 milione leke, per te cilen nuk ka prere as mandat pagese, duke e pervetesuar per vete. Nje dite para kontrollit ka nderhyre ne llogarine e klientit L. N., duke i terhequr nje shume prej 5 mije euro, duke falsifikuar firmen, por ia ka kthyer kete valute nje dite me pas.

Transaksioni I
30.01.2010, jane terhequr ne dy raste nga llogaria e Drejtorise Rajonale te Transportit Rrugor Fier, shuma prej 4 milione lekesh, e cila eshte arketuar ne daten 01.02.2010.
Transaksioni II
30.04.2010, eshte terhequr nga llogaria e Institutit te Sigurimeve Shoqerore Lushnje, ne Cash shuma prej 3.111.000 lekesh, e cila eshte arketuar me date 03.05.2010.
Transaksioni III
31.05.2010, eshte bere terheqja prej 1 milione leke nga llogaria e "Tregut Fruta Perime", Lushnje.
Transaksioni IV
4.06.2010, nga kontrolli i gjithe veprimeve bankare rezultoi se eshte terhequr nga Drejtoria Rajonale e Transportit Rrugor Fier shuma prej 12.555.700 leke, pa prere as mandat pagese, duke u pervetesuar
Transaksioni V
03.06.2010, eshte nderhyre ne llogarine e klientit L. N., duke i terhequr nje valute prej 5000 euro, duke falsifikuar firmen, llogari e cila eshte sistemuar me daten 04.06.2010.
Demi ekonomik
Ne perfundim ka rezultuar se arketarja dyshohet per pervetesimin nepermjet nderhyrjes ne llogari te klienteve apo institucioneve me dem ekonomik 12.555.700 leke.