Viktima e 10 nga A/H1N1, 55 vjeçarja nga Fieri vdes në QSUT

TIRANË - Një grua 55 vjeç vdiq sot në QSUT, pasi u prek nga A/H1N1. Sipas mjekëve ajo vuante nga hypertensioni arterial dhe nga obesiteti.

55 vjeçarja u prek nga gripi i derrave dhe pas trajtimit fillestar në siptalin e Fierit u transportua në gjendje të rëndë në Tiranë ku qendroi 8 ditë në reanimacion por s'mundi të mbijetojë.

Burimet thonë se nga virusi A/H1N1 ishte prekur edhe bashkeshorti i 55 vjecares, por qe nga mjekimet e marra ka arritur te shërohet.

Nderkohe, Ministria e Shendetesise ka perseritur apelin drejtuar qytetareve, qe t'i nenshtrohen sa me shpejt vaksinimit kunder virusit.

*****

Gripi i derrave, vdes gruaja shtatzënë me dy binjakë

27 dhjetor

- Gripi i derrit i ka marrë jetën një 25 vjeçareje shtatzënë me dy binjakë. Ky është rasti i dytë i vdekjes së një gruaje shtatzëne, ç'ka konfirmon se kjo kategori eshte tejet e rrezikuar nga virusi vdekjeprurures.

E reja ndërroi jetë sot ne mesdite në Sanatoriumin, pas nje trajtimi intensiv per shkak te gjendjes se renduar gjate javes se fundit. Ajo ishte trajtuar fillimisht ne spitalin e Kukesit, me pas u soll me urgjence ne Tirane, pot nuk arriti te mbijetoje.

****

25 dhjetor

Një grua 55-vjeçe nga Tirana, e cila vuante nga sëmundja e diabetit dhe nga hipertensioni, ndërroi jete pasi u prek nga virusi A/H1N1. Mësohet se gruaja kishte shkuar me vonesë në spital vetëm kur gjendja ishte përkeqësuar ndaj nuk është kuruar për gripin e derrave.

Ajo u shtrua dje në gjendje të rende te spitali Infektiv në Qendrën Spitalore Universitare, por ishte shume vone për shpëtimin e jetës, thonë mjekët.

*****

Gripi i derrit ka shënuar viktimën e shtatë në vendin tonë. Një djalë 25-vjeçar, tetraplegjik ka ndërruar jetë, pasi ishte prekur nga virusi A/H1N1.

Sipas burimeve spitalore mësohet se i riu kishte disa ditë që po vuante pasojat e gripit të derrit, por nuk ka mundur të shpëtojë.

Ndërkohë një grua në muajin e pestë të shtatzënisë e shtruar në Tiranë, ndodhet në gjendje të rëndë për jetën. Gruaja, sipas mjekëve ka binjakë dhe është në gjendje kritike.

Tre dite me pare, virusi A/H1N1 regjistroi viktimën e gjashtë, një grua nga qyteti i Kukësit, e cila ndërroi jetë në spitalin Infektiv në Qendrën Spitalore Universitare "Nënë Tereza" në Tiranë.

Gruaja, sipas mjekëve ka qenë në trajtim intensiv në Infektiv, por nuk ka mundur të mbijetojë. Para saj, një 18-vjeçare shtatzënë ndërroi jetë pas disa ditësh në koma, pikërisht nga virusi në fjalë. Sipas shefit te Infektivit në QSUT, Dhimitër Kraja, pacientja është shtruar prej 6 ditësh në këtë spital, kur u soll urgjencë nga qyteti i Berarit ku ishte trajtuar më parë.

"Pacientja, e moshës 18 vjeçare nga Kuçova, ishte në muajin e 8 të shtatzanisë dhe pas analizave rezultoi se ishte prekur nga A'/H1H1", sqaron Kraja. Ajo nuk vuante nga asnjë sëmundje tjetër, vijon mjeku infeksionist, duke shtuar se gratë shtatzëna janë në grupin e riskut.

Sipas rekomandimeve të OBSH-së, shtatzënat duhet të jenë të parat që duhet të faksinohen nga A/H1N1.

Statistikat botërore tregojnë se një nga kontigjentet më të rrezikuara janë grate shtatzënë, pasi vete barra e lodh organizmin dhe sjell çrregullime, ç'ka rrezikon që ato ta kalojnë gripin më rëndë se të tjerët.

Ditën e diel më 13 dhjetor një 31 vjeçar nga Vlora humbi jetën nga virusi i rrezikshëm. Ai kishte pasur një gjendje gripale ku është trajtuar në kushtet e shtëpisë dhe kur është përkeqësuar është shtruar me urgjencë në spital, por nuk mundi të mbijetojë. Mësojmë se i riu me incialet E.M, nga Vlora, nuk kishte pasur probleme shëndetësore më parë, siç kanë qenë rastet e tjera me sëmundje kronike.

Vetëm një ditë para ketij rasti, Ministria e Shëndetësisë kishte konfirmuar vdekjen e dy personave te tjere , që kuroheshin në spital nga virusi i rrezikshëm, njohur si gripi i derrit. Dy viktimat ishin nga Shkodra, një burrë dhe një grua perkatesisht 53 dhe 47 vjeç.

Ndërsa viktima e pare ka qenë një burrë 57-vjeç nga Sukthi i Durrësit qe ndërroi jetë ne 3 dhjetor në Sanatorium ku ishte i shtruar pas komplikacioneve që shfaqi nga prekja me virusin A/H1N1. Ky person vuante nga sëmundje kronike të zemrës si dhe kishte një sëmundje të pashërueshme në prostatë. Prekja nga A/H1N1 i ka krijuar komplikacione me organet e frymëmarrjes duke i marrë edhe jëtën.