Viktima në Tunizi nga protestat

Tre persona janë vrarë gjatë përleshjeve mes demonstruesve dhe forcave të sigurisë në kryeqytetin e Tunizisë, në protestat e para që prej rrëzimit të ish-presidentit Ben Ali. Policia përdori gaz lotsjellës, por edhe plumba të vërtetë për të shpërndarë protestuesit e mbledhur përpara ministrisë së Brendshme në Tuniz. Në vend janë rikthyer manifestimet, këtë herë me kërkesë parësore largimin e kryeministrit. Dëshmitaret raportojnë luftime mes protestuesve dhe forcave të rendit, që kane qëlluar për të përballuar vërshimin e demonstruesve drejt objekteve qeveritare. Në një deklaratë për mediat, ministria e Brendshme konfirmoi tre viktima, ndërsa saktësoi se shumë të tjerë mbetën të plagosur. Në pranga kanë përfunduar mbi 100 persona, me akuzën për prishje të rendit publik.

Shpërndaje