Vilareali çel javën e 28-të në kampionatin spanjoll

Vilareali do të presë sonte në mbrëmje Atletik Bilbaon në ndeshjen e vlefshme për javën e 28-të të kampionatit spanjoll. Vilareali këtë mbrëmje do të jetë mjaft i qetë, pasi dje mësoi kundështarin e radhës për çerekfinalen e Ligës së Kampione, ai do të jetë Arsenali. Skuadra e drejtuar nga Pelegrini renditet në vendin e katërt me 45 pikë, 6 më pak se Sevilja e vendit të tretë.

Atletik Bilbao renditet në vendin e 12-të me 31 pikë. Në këtë përballje këta të fundit nuk pritet t’i krijojnë shumë vështirësi vendasve, të cilët po kalojnë një nga momentet më të mira të historinë e tyre. Ndeshja Vilareal-Atletik Bibao do të nisë në orën 20:00.