Taye Taiwo objektivi më i ri i klubit të Milanit

Mesfushori i Marsejës, Taye Taiwo sezonin e ardhshëm do të jetë pjesë e ekipit të Milanit. Këtë lajm e publikonte dje gazeta gjermane “4-4-2”, e cila thoshte se ky futbollist plotëson të gjitha parametrat e kërkuara nga drejtuesit e Milanit për krahun e majtë.

Taiwo është 23-vjeçar, dhe është pjesë e ekipit kombëtar të Nigerisë. Vlera e tij, sipas gazetës gjermane, kushton 20 milion euro. Të interesuar për të janë edhe anglezët e Mançester Sitit. Milani këtë alternativë ia shton atyre të Maxwell dhe Clichy.