Visar Zhiti, rremben Cmimin e Madh te Letersise per 2011 Izaura Ndoj

Permes nje ceremonie te vecante te organizuar ne Teatrin Kombetar, jane ndare dhjete trofete me te mira, persa i perket penes shqiptare. Cmimi i Madh i Letersise, shkoi per shkrimtarin Visar Zhiti, i cili u vleresua per prurjet ne nivel te larte artistik e estetik, qe ka percjelle ne Letersine bashkekohore shqipe, nepermjet korpusit letrar te vepres se krijuar prej tij. Juria e kryesuar nga Amik Kasaruho dhe anetaret Sali Bashota, Eqerem Basha, Ali Aliu, Arjan Leka, Mimoza Hysa dhe Gentian Cocoli, kane vleresuar penen me te mire per 2011-n. Ndryshe nga vitet e shkuara, ky edicion eshte shtyre per shkak te 100-vjetorit te Pavaresise, per t'u finalizuar ne dhjetor. E vecanta e ketij edicioni ishte perfshirja ne konkurrim e autoreve edhe jashte Shqiperise. Cmimi "Petro Marko", iu akordua shkrimtarit Zija Cela per romanin "Apokalipsi sipas Shen Tiranes", per kodet e ligjerimit dhe risite e percjella nepermjet nje forme autentike te narracionit, duke pasuruar me vlera te qenesishme, prozen romanore shqipe; Cmimi "Mitrush Kuteli", iu dha shkrimtarit Moikom Zeqo per vellimin me tregime "Klepsidra", per prurje origjinale ne vijimesi ne artin e tregimtarise, si dhe nje stil unik letrar; Cmimi "Lasgush Poradeci" iu dha poetit Rudian Zekthi per vellimin me poezi "Panair", nepermjet te cilit autori spikat ne thurjen e monologut poetik, qe tirret permes imazheve e formave meditative, duke percjelle vlera dhe risi origjinale ne poetiken shqiptare; Cmimi "Faik Konica" iu akordua studiuesit Shaban Sinani per vepren studimore "Camaj i paskajuar", per trajtimin ne nivel te larte shkencor dhe origjinalitetin e mendimit kritik mbi vepren letrare te Martin Camajt, per rolin qe ajo ka luajtur ne rrjedhat e Letersise Shqipe; Cmimi "Gjergj Fishta" shkoi per shkrimtaren Mira Meksi, per librin eseistik "Leximi i ndaluar dhe shkrimet e fshehura", per kendveshtrimin origjinal te trajtimit dhe percjelljen e nje mendimi analitik e sistematik mbi protagoniste e dukuri te pazakonta te shfaqura ne boten e letrave; Cmimi "Fan Noli" iu akordua perkthyesve Bashkim Shehu e Edlira Hoxholli per perkthimin mjeshteror te vepres "Nokturnet e Kilit" te shkrimtarit te shquar Roberto Bolanjo, duke shenuar prurje me vlera te spikatura ne traditen e perkthimit te autoreve te rendesishem nga letersia e huaj, ne gjuhen shqipe; Cmimi "Jusuf Vrioni" ne kete edicion shkoi per perkthyesin e njohur Aleksander Zoto, per kontributin e gjithanshem e te shume cmuar ne perkthimit dhe promovimit e dhjetera shkrimtareve dhe veprave te letersise shqipe ne gjuhen dhe kulture franceze; Cmimi "At Donat Kurti", shkoi per shkrimtarin Ruzhdi Gole me librin "Kureshtja per t'u rritur", duke e vleresuar vepren e tij, si nje hap emancipues te zhanrit te letersise sone per femije dhe te rinj, ndersa Cmimi "Migjeni", iu akordua shkrimtarit debutues Plator Ulqinaku, per vellimin poetik "Libri i qendreses", duke e vleresuar per nje hap te pare te pjekur dhe premtues ne poezine shqipe. Cmimet Kombetare te Letersise, jane kthyer tashme ne nje tradite nga MTKRS, juria e te cilave vlereson veprat me te mira te gjinive te ndryshme, risite dhe dukurite letrare te tyre, gjate nje viti. Vjet, juria ia akordoi "Cmimin e madh te letersise" Sabri Hamitit me vepren "Poetika shqipe", nderkohe qe u ndane edhe nente cmime te tjera.

Dhjete cmimet per vitin 2011

1. Visar Zhiti vleresohet me "Cmimi i Madh i Letersise"

2. Zija Cela vleresohet me Cmimin "Petro Marko"

3. Moikom Zeqo vleresohet me Cmimin "Mitrush Kuteli"

4. Rudian Zekthi vleresohet me Cmimin "Lasgush Poradeci"

5. Shaban Sinani vleresohet me Cmimin "Faik Konica"

6. Mira Meksi vleresohet me Cmimin "Gjergj Fishta"

7. Bashkim Shehu e Edlira Hoxholli me Cmimin "Fan Noli"

8. Aleksander Zoto vleresohet me Cmimin "Jusuf Vrioni"

9. Ruzhdi Gole vleresohet me Cmimin "At Donat Kurti"

10. Plator Ulqinaku vleresohet me Cmimin "Migjeni"