Vlorë, grabitet filiali i Raiffeisen
Dy persona të armatosur kanë grabitur sot filialin e Raiffeisen Bank në qytetin e Vlorës.
Lajmin e bëjnë të ditur burime policore lokale, sipas të cilave ende nuk dihet shuma e saktë që është grabitur.
Sipas burimeve, uniformat blu, me të mbërritur në vendin e ngjarjes, kanë gjetur një armë zjarri të tipit kallashnikov të braktisur.
Nga dëshmitë e mbledhura ka rezultuar se autorët ishin dy vetë, të maskuar dhe të armatosur, të cilët pasi kanë marrë shumën e parave janë larguar duke u futur nëpër rrugica.
Burimet shtojnë më tej se ata kishin zgjedhur orët e drekës kur në bankë dhe në rrugët e qytetit kishte pak njerëz.