Vlorë, banesat e lagjes ‘Pavarësia’ rrezikojnë përmbyjtjen

VLORË- Koha e keqe ka shkaktuar probleme edhe në qytetin e Vlorës. Në një prej zonave më të populluara në qëndër të qytetit në lagjen ‘Pavarësia’, disa familje ankohen se niveli i ujit është rritur ndjeshëm, duke rrethuar banesat, të cilat për pak centimetra rrezikojnë përmbytjen.

Pronari i njërës prej banesave shprehet se sot ka marrë kontakte me ndërmarjen komunale, të cilët i kanë deklaruar se nuk mund të ketë një zgjidhje të situatës për shkak të problemeve në Hidrovorin e zonës. Familjarët apelojnë për ndihmë, për të shmangur në kohë përmbytjen e banesave të kësaj lagjeje.
(el.me/NEWS24/BalkanWeb)