Vlore deshton prezantimi i planit rregullues te qytetit
Pamjaftueshmeria e transparences per planin rregullues te qytetit te Vlores ka bere te deshtoje nje takim i organizuar dje nga bashkia e qytetit bregdetar per diskutimin e ketij plani.
Plani rregullues i qytetit mblodhi ne sallen e Keshillit Bashkiak qytetare grupe te interesit dhe perfaqesues te Shoqates se Ndertuesve te cilet jane njohur me masterplanin rregullues te hartuar nga firma italiane Hydea.
Ky plan ka nisur te hartohet qe ne janar te vitit 2009 dhe aktualisht eshte drejt perfundimit por perfaqesuesit e grupeve te interesit thane se ishin te painformuar per detaje te ketij plani madje edhe prezantimi i djeshem ishte jo i plote.
Ndertimet e shumta dhe gjelberimi i pakte kane qene disa nga problemet qe jane vene re menjehere ne planin e ri rregullues qe u prezantua nga hartuesit e tij.
Nenkryetari i Bashkise se Vlores Edmond Leka ka ftuar te gjithe qytetaret dhe pjesemarresit te jene pjese e diskutimit te hapur te zhvilluar ne lidhje me projektin e studios italiane. Por ne fakt ne takim pati me shume se diskutime duke i detyruar organizatoret te linin nje tjeter date per prezantimin e plote te planit.
Te ftuarit qe perfaqesonin grupe te ndryshme interesi te qytetit te Vlores kane shprehur shqetesim per mungese informacioni ne lidhje me detajet e planit te paraqitur diten e djeshme.
Perfaqesuesit e qytetareve si doktor Hodo Kabello specialisti i urbanistikes Luan Muhameti dhe ambientalisti Petrit Golemi debatuan energjikisht ne lidhje me projektin i cili per ta ishte i pasakte. Ne debatet e tyre ata kane shprehur rezerva per mungesen e informacionit dhe menyren se si po paraqitej dje ky plan pa nje maket apo nje videoprojeksion.
Problemet kryesore qe u trajtuan gjate takimit te djeshem prezantues lidheshin me hapesirat e lira si Pylli i Sodes apo dhe ish-fusha e aviacionit per te cilat plani i ri rregullues konsiderohet i paqarte.
Keto dy zona jane aktualisht me te ndoturat e qytetit te Vlores dhe te pranishmit ne takim kerkuan qe te kete projekte te qarta per shnderrimin e tyre ne hapesira qe do ti sherbejne qytetit.
Ekspertet e studios se projektimit Hydea deklaruan se te gjitha sugjerimet e bera dje do te perfshihen ne variantin perfundimtar nderkohe qe te ndodhur perballe kontestimeve te shumta kane pranuar te paraqiten ne nje takim tjeter ku do te jepen me shume detaje dhe do te aplikohet nje metode me e sakte prezantimi.
Studioja italiane Hydea eshte duke punuar edhe per planet rregulluese te tri qyteteve te tjera ne kuader te nje projekti te financuar nga Banka Boterore. Nga kater planet rregulluese qe po hartohen nga kjo studio plani i Vlores eshte i pari qe eshte shtruar per diskutim me komunitetin.