Vlorë, kapen 191 kg hashash, 2 në pranga

Foto arkiv

191 kg hashash janë sekuestruar nga policia e Vlorës, ndërsa në pranga kanë përfunduar edhe dy poseduesit e tyre.

Demir Selamaj, 22 vjeç, dhe Ritvan Çobaj, 19 vjeç, nga fshati Gjorm janë arrestuar pasi pas dyshimeve, policia ka kontrolluar banesën e tyre, ku ka gjetur  21 thasë dhe 1 bidon të mbushur me lëndë narkotike e llojit kanabis sativa me një peshë të përgjithshme prej 191.6 kg.

Policia po punon për identifikimin e të tjerë personave të përfshirë në trafikun e lëndës narkotike. / A. Peçi