Vlorë, punonjësja e postës grabit për tre muaj me radhë pensionet e 380 të moshuarve
Rreth 380 pensionisteve vlonjate u është vjedhur pensioni nga muaji maj deri ne shtator te këtij viti, nga zyrtaret e postes ne qytetin bregdetar. Skandali me pensionet është zbuluar pas një hetimi dymujor, pas te cilit janë vene ne pranga tre punonjës te postes.
Yllka Gjondeda, 55 vjeçe, karteliste e zyrës postare Vlora 1, sipas policisë, ka falsifikuar dokumentet dhe firmat e 375 pensionisteve duke përfituar shumën e 7 milion lekeve. Kolege te saj thonë se nuk janë ne dijeni te këtyre abuzimeve madje sipas tyre, Gjondeda është me leje.
Edhe dy punonjës te postes ne Sevaster dhe Vllahinë te Vlorës janë arrestuar për përfitim pensionesh te te vdekurve si dhe invalidëve. Bernard Axhiaj, 24 vjeç, ka firmosur për muaj te tere dokumentet e një te vdekure ne Sevaster, duke përfituar shumën e 160 mije lekeve. Edhe Osman Sulaj, 42 vjeç, zyrtar i postes ne Vllahinë ka përvetësuar shumën e 72 mije lekeve, duke falsifikuar firmën e një shtetasi dhe duke grabitur pensionin e paaftësisë se dy fëmijëve te tij. Lajmi për abuzimet me pensionet ka alarmuar dhjetëra pensioniste qe nuk kishin mundur ta tërhiqnin ne kohe pensionin. Tre zyrtaret akuzohen për vjedhje me ane te shpërdorimit te detyrës dhe falsifikim te dokumenteve zyrtare./vizion plus