Votimi ne Kuvend debate te ashpra ne grupin e PS-se
Kane rishperthyer debatet e ashpra ne grupin parlamentar te Partise Socialiste pasi kryetari Edi Rama ka kercenuar deputetet qe votojne ndryshe vendimit politik se do te perjashtohen. Mbledhja e djeshme e filluar e qete ne pjesen e dyte ka pasur panoramen e vet te forte ku si baze ka sherbyer vendimi i javes se kaluar ne te cilin dy deputetet socialiste Ben Blushi dhe Arben Malaj kane votuar pro kandidatures se Ardian Fullanit per guvernator te Bankes se Shqiperise ndersa koleget e tjere kane votuar kunder. Rama ka qene shume i ashper ne mbledhjen e djeshme te grupit ku ka permendur statutin por edhe rregulloren. Nderkaq ne kete takim ka pasur replika te ashpra ndermjet Andis Harasanit dhe kryetarit ne lidhje me respektimin e mendimit te lire dhe shprehjen e qendrimit individual. Nje nga te kritikuarit gjate mbledhjes se djeshme deputeti socialist Ben Blushi nuk ka qene ne mbledhjen e grupit parlamentar nderkohe deputeti Arben Malaj i cili ka qene prezent nuk ka zhvilluar debat me kryetarin socialist. Lideri i selise roze ka qene i prere duke bere te ditur nderkohe vendimin per te votuar kunder dekretit te Presidentit te Republikes per emerimin e Bujar Leskajt si kryetar i Kontrollit te Shtetit. Ne kete aspekt Rama ka deklaruar Perfundimisht ju komunikoj vendimin ne zbatim te statutit te partise dhe rregullores se grupit cdonjeri qe voton kunder nuk do te jete me anetar. Kjo fjali ka shkaktuar diskutime te forta qe kane zgjatur gjate gjithe paradites se djeshme por kryetari socialist ka paralajmeruar deputetet qe te mos nxirrnin pjese te ketij debati per mediat. Por burime brenda takimit bene te ditur se deputeti Andis Harasani ka kerkuar qe te respektohet opinioni dhe mendimi i deputeteve nderkohe qe ka kujtuar koherence dhe standard te njejte per te gjithe qendrimet e lidershipit. Javen e shkuar nje debat i ashper eshte zhvilluar edhe ne mbledhjen e kryesise se grupit parlamentar ku Rama ka kerkuar qe te behet nje relacion ne lidhje me rrjedhjen e votave ne seancen e se enjtes ku jo vetem nuk u respektua vendimi politik por pati edhe deputete qe abstenuan por edhe nuk moren pjese ne votim.