Vriten tre ministra në Somali

Disa persona janë vrarë, përfshirë tre ministra të qeverisë së Somalisë, në një shpërthim në një hotel në kryeqytetin e këtij vendi, Mogadishu.

Shpërthimi ndodhi gjatë një ceremonie diplomimi ku, përveç studentëve, ishin të pranishëm disa zyrtarë dhe gazetarë.

Një zëdhënës i qeverisë konfirmoi se në këtë shpërthim ishin vrarë ministrat e arsimit, arsimit të lartë dhe shëndetësisë.

Ende nuk dihen shkaqet e këtij shpërthimi.

Në Somali ka patur përleshje të vazhdueshme mes trupave qeveritare dhe militantëve islamikë që kontrollojnë pjesën më të madhe të vendit.