Vriten tre ushtarë të NATO-s në Afganistan

Në njoftimin e koalicionit ndërkombëtar në Afganistan, që udhëhiqet nga NATO-ja, thuhet se dy ushtarë u vranë nga shpërthimi i një bombe në pjesën lindore të Afganistanit, ndërsa i treti u vra gjatë luftimeve me kryengritësit, po ashtu në pjesën lindore të këtij vendi.

Në njoftim nuk jepet identiteti i ushtarëve dhe kombësia e tyre.

Prej zhvillimeve të tjera në Afganistan, vjen edhe informacioni se gjashtë punëtorë afganë, në një bazë të NATO-s në provincën Vardak, janë rrëmbyer, ka thënë një zyrtar lokal qeveritar.

Por, njëri prej tyre ia doli të ikte. Talebanët nuk kanë bërë komente për këtë incident.