Washingtoni kërkon largimin e Salehut

Shtetet e Bashkuara kanë shprehur “shqetësim të thellë” për ngjarjet në Jemen, ndërsa sërish i kanë bërë thirrje presidentit, Ali Abdullah Saleh, të japë dorëheqje pas 33 vjetësh në pushtet.

Jemeni është përfshirë nga protestat antiqeveritare që nga muaji janar.

Rreth 200 persona raportohet të jenë vrarë javën e kaluar, në përleshjet ndërmjet forcave të sigurisë dhe protestuesve.

Vetëm gjatë të shtunës janë vrarë së paku 40 persona.