Withers: Opozita edhe pas Gërdecit se rrezon dot Berishën
Ne këtë dokument me titull “Gerdeci, ku do te shkojmë”, Withers raporton se ftesa për anëtarësimin e Shqipërisë ne NATO është një pengese për rrëzimin e qeverise. Gjithashtu ne këtë dokument, diplomati amerikan shkruan se pas kesaj tragjedie, vërehet dukshme tendenca për te shmangur përgjegjësinë. Ka një bindje te forte ne qarqet mediatike, opinionberesit dhe publikut se qeveria pavarësisht deklaratave për hetim, është duke llogaritur se si te shmange përgjegjësinë për tragjedinë e Gërdecit. Për këtë kryeministri Berisha ndodhet ne një kurth politik, për shkak se ky shpërthim vjen pas disa krizave si mungesa e energjisë elektrike ose zgjedhjet lokale te 2007-ës. Ndaj këtë radhe me Gërdecin Berisha do te beje një paraqitje sikur po punon për te mbuluar te gjitha dështimet e shkuara te qeverise për luftën kundër korrupsionit dhe vendosjes se mirëqenies se publikut ne radhe te pare. Ftesa për anëtarësim ne NATO do ti japë një mbështetje Berishës dhe partisë demokratike për momentin, ndaj dhe ka pak shanse qe opozita te rrezoje qeverinë. Megjithatë kjo tragjedi është pasuar edhe me deklarata te turpshme te zyrtareve lidhur me dijeninë ose jo te tyren. Ky shpërthim mund te ndryshoje rrënjësisht ekuacionin politik për Berishën. Ne çdo rast ai nuk do te donte qe ne zgjedhjet e 2009-es te shkonte me nje situate te tille. Ne zhvillim te letrës se dërguar ambasadori i ShBA-ve ne vitin 2008 ne Shqipëri bën edhe një përshkrim te hollësishëm te ngjarjeve, ku evidenton nder te tjera edhe dorëheqjen e ministrit Mediu apo edhe akuzat e forta te kreut te lëvizjes socialiste për Integrim, Ilir Meta, duke e cilësuar ketë te fundit si kritikun me te forte ndaj kryeministrit Berisha.