Withers takon kreun e KQZ-së, Arben Ristani

Takimi i zhvilluar në ambientet e KQZ-së, ka pasur si temë procesin zgjedhor dhe veçanërisht administrimin e këtij procesi pas zgjedhjeve, që ka të bëjë me numërimin e votave. Takimi ka zgjatur rreth 30 minuta, i cili është mbyllur pa ndonjë deklaratë për mediat.

Duket se diplomacia perëndimore në Tiranë është vënë në lëvizje për procesin zgjedhor. Gjatë ditës, kryetarja e delegacionit të ODIHR zhvilloi një takim me kryetarin e Partisë Socialiste Edi Rama, takim që mbeti brenda dyerve të Partisë Socialiste.