Wollfarth: Te miratohen ndryshimet ne Kodin Zgjedhor

Ambasadori i OSBE-se ne Tirane, Eugen Wollfarth, deklaroi dje se ndryshimet qe i jane bere Kodit Zgjedhor duhet te miratohen ne Kuvend. Pas takimit te zhvilluar dje me kreun e Partise Socialiste, Wollfarth u shpreh se opozita dhe mazhoranca kane bere nje pune te mire me reformen, por duhet ta konkretizojne ate me miratimin ne Kuvend. "Ne biseden time me kreun e PS-se, une e pergezova per punen e mire te bere nga bashkekryetari i komisionit te reformes zgjedhore. Drafti i Kodit Zgjedhor perben nje tekst te shkelqyer dhe nevojitet vetem nje hap final per t'u marre ne nivel politik", - u shpreh dje Wollfarth. Ai ka theksuar se deri me tani per reformen zgjedhore eshte bere nje pune mjaft konstruktive. Ne lidhje me zgjedhjen e kreut te shtetit, Wollfarth eshte shprehur se mes forcave politike ka nje nivel te madh konsruktiviteti. "Une shoh nje nivel te madh konstruktiviteti, per te pasur nje president konsensual. Une shoh linja te rendesishme dialogu mes perfaqesuesve politike", - u shpreh kreu i prezences se OSBE-se. Ai ka theksuar se kjo klime eshte inkurajuese per gjetjen e konsensusit dhe zgjedhjen e kreut te shtetit me sa me shume vota. "Do thosha se kete dialog e shoh si shume konstruktiv dhe thjesht pres te shoh nje proces te hapur dhe transparente", - u shpreh ambasadori i OSBE. Takimi mes kreut te PS dhe ambasadorit te OSBE-se u zhvillua mengjesin e djeshem. Nderkohe qe afati i 24 majit ishte percaktuar si koha kur duhet te kishte perfunduar procesi i rishikimit te Kodit Zgjedhor. Wollfarth tha ne komunikimin me gazetaret se teme e bisedes me Ramen ka qene dhe vizita e kreut te PS-se ne Gjermani.