Xavi: Real-i, ende favorit për tu kualifikuar

Xavi mendon se Real Madrid është ende favorit në Kupën e Mbretit edhe pse skuadra e tij doli nga “Bernabeu” me një fitore.  

“Nuk kemi mundur të bëjmë lojën tonë. Nuk e kontrolluam dot topin ashtu siç pëlqejmë ne ta bëjmë. Ka qenë e vështirë për ne që të fitojmë duele për të pasur sferën, por jemi mbrojtur shumë mirë. Luftuam deri në fund dhe kjo është shumë pozitive”, tha fillimisht Xavi, i cili vlerësojë një tjetër aspekt të skuadrës të tij.

“0-1 na jep një avantazh të konsiderueshëm, por ne do të duhet të bëjmë shumë mirë kundër një skuadre shumë të fortë në takimin e kthimit. Unë ende e shoh Madridin si favorit”, deklaroi Xavi.

Ndeshja e kthimit mes ekipeve në fjalë do të zhvillohet më 5 prill, në “Camp Nou”.