Xhenoa shuan dyshimet për një largim të Militos

Xhenova - Ekipi Italian i Xhenoas shuan çdo dyshim të mundshëm për largimin e sulmusit të saj, Diego Milito. Kapakun zërave të fundit që e shihnin sulmuesin sa tek Interi dhe sa tek Juventusi ia vë vetë presidenti i klubit, Enriko Preciozi.

Në një intervisyë për Radio Radio presidenti i Xhenoas shprehet: “Diego do të qëndrojë tek Xhenoa. Nuk kemi bërë asnjë marrëveshje për ta shitur. Lojtari është i kënaqur këtu, edhe ne dëshirojmë të vazhdojmë bashkëpunimin me të, dhe Milito është duke punuar aktualisht”.

Argjentinasi pëlqehet nga presidenti i kampionëve, Masimo Morati. Në konkurencë me të është edhe klubi i Juventusit, por me deklaratat e fundit të presidentit që zotëron kartonin e tij skuadrat do ta kenë të vështirë për të marrë shërbimet e lojtarit.