Xherrard: Dua që Dalglish të qëndrojë me ne

Stivë Xherrard thotë se ai dëshiron ta ndihmojë Keni Dalglishin që të mbetet në stolin e menaxherit të Liverpulit. Dalglish është menaxher i përkohshëm te Liverpuli pas shkarkimit të Roi Hodgson, por legjenda e “Reds”-ave nuk e ka filluar mirë punën e tij, me dy humbje dhe një barazim në tre ndeshje. “Dua të bëj gjithçka që është në fuqinë time ai të mbetet këtu një kohë të gjatë, më shumë se sa gjashtë muajt e parë. Dua të shënojmë një seri të mirë të rezultateve deri në fund të sezonit dhe të mundësojmë ai ta fitojë plotësisht punën. Ky është plani im afatshkurtër”, ka thënë Gerrard.