Xhimi Karter, triumf ne negociatat Palestine-Izrael

Organizata Hamas shprehet e gatshme te pranoje shtetin palestinez dhe marreveshjen e paqes me Izraelin, me kusht qe marreveshjet midis Kryeministrit Olmert dhe Presidentit Abbas t'u parashtrohen per miratim palestinezeve. Ish-presidenti amerikan, Xhimi Karter, udhetoi nente dite neper Lindjen e Aferme per te ndermjetesuar ne konfliktin e ketij rajoni. Izraeli dhe SHBA e kritikuan misionin ndermjetesues, sepse Karter perfshiu ne bisedime edhe Hamasin, me nje rezultat shume te papritur. Ai po perpiqet te mbylle nje te care ne diplomacine e Shteteve te Bashkuara ne Lindjen e Aferme. Ndaj u ul ne nje tryeze me Hamasin ne Kajro dhe Damask. "Ata thane se do te pranonin nje shtet palestinez ne kufijte e 1967-es, ne rast se nje hap te tille do ta perkrahnin palestinezet - dhe se do ta pranonin te drejten e Izraelit per te jetuar ne paqe me ta si fqinji i tyre, me kusht qe marreveshjet midis Kryeministrit Olmert dhe Presidentit Abbas t'u parashtrohen per miratim palestinezeve, megjithese Hamasi mund te mos pajtohet me pjese te marreveshjes", lajmeroi ndermjetesi amerikan.