Zak thotë “po”

Pjesëtarët e një grupi, që dyshohet se ka lidhje me aktivitete terroriste, të arrestuar në SHBA, vazhdojnë të deklarohen lidhur me akuzat që i rëndojnë. Pas Daniel Patrikc Boyd, edhe i biri i tij, Zakarija Boyd, i njohur si “Zak”, e ka pranuar fajësinë. Në këtë grup bën pjesë edhe Hysen Sherifi nga Gjilani, i cili është në radhë për të dhënë shpjegimet e tij. Procesi gjyqësor nis në shtator. Nga Jeton Musliu më 15 qershor 2011 në ora 07:44

Zakarija Boyd, i njohur me pseudonimin Zak, ka pranuar fajësinë se ka qenë i përfshirë në një konspiracion për të siguruar mbështetje materiale për terroristët. Gjykimi është mbajtur në Gjykatën Federale të New Bern, të Karolinës së Veriut në Shtetet e Bashkuara të Amerikës

Zak është njëri prej shtatë pjesëtarëve të një grupi të arrestuar nga FBI’ja në verën e vitit 2009, kur u prangos edhe Hysen Sherifi, shqiptari nga Gjilani, i cili në Shtetet e Bashkuara të Amerikës kishte shkuar si refugjat lufte.

Zakarija, 22 vjeçar, qytetar i SHBA’së dhe banor i Karolinës së Veriut, akuzohet se së bashku me shtatë të pandehur të tjerë, në mesin e të cilëve edhe Sherifi, nga nëntori i vitit 2006, e deri së paku në korrik të vitit 2009, kur edhe u arrestuan, bënin plane për të siguruar mbështetje materiale dhe burime për terroristët, duke përfshirë, para për trajnim dhe sigurim transporti.

Në rast të dënimit, për ndihmë organizatave terroriste, atëherë Zak mund të përballet deri më 15 vjet burgim, pasuar me mbikëqyrje në afat prej tre vjetësh.

Zakarija është njëri nga djemtë e Daniel Patrick Boydit, i arrestuar nën të njëjtat akuza, i cili më 9 shkurt të këtij viti, gjithashtu e ka pranuar fajësinë, se bënin plane për vrasje, rrëmbim, gjymtim dhe plagosje të personave në vende të huaja.

Shkrimin e plotë mund ta lexoni në Express...