Zëvendësi i Romney, Ryan: I nderuar që më zgjodhën

Kandidati për zëvendës.President i Shteteve të Bashkuara të Amerikës, Kongresmeni i Wisconsin, Paul Ryan, thotë se ishte nderuar që ishte zgjedhur. Pas diskutimeve të gjata të imponuara edhe për të fituar sa më shumë vota Mit Romney, kandidati republikan, zgjodhi kongresmenin 42-vjeçar të njohur për qëndrimin e ashpër ndaj buxhetit të Obamës për postin e zëvendës.Presidentit.
 

"Është nderi më i madh që më është bërë ndonjëherë në jetë",- tha Ryan. Por zgjedhja e Ryan, i cili ka si plan uljen e shpenzimet qeveritare, ka fituar simpatinë e lëvizjes Tea Party e ka zemëruar demokratët.
 

Analistët politikë thonë se kjo është zgjedhja më e guximshme e ndërmarrë nga Romney gjatë fushatës. Ndërkohë sondazhet ne Shtetet e Bashkuara flasin për një garë të fortë mes presidentit demokrat Barak Obama dhe kundërshtarit të tij republikan, ish-guvernatorit të shtetit Masaçusets Mitt Romney.
 

Ato tregojnë se votuesit kanë prirjen për të pëlqyer Presidentin si person më shumë se kundërshtarin e tij, por i japin një epërsi të lehtë Romney përsa i përket ekonomisë, e cila është çështja më e rëndësishme e fushatës.

Sondazhi i fundit e organizuar nga Gallup i jep Presidentit Obama një epërsi të ngushtë 47 me 46 për qind ndaj kandidatit republikan Mitt Romney, rreth 90 ditë para zgjedhjeve presidenciale të nëntorit.