Zgjedhjet, 4 diplomate te huaj takim me Ramen
Ndersa opozita ka njoftuar bojkotin e seances se radhes ne Kuvend, me kerkesen kryesore dhenien e kartave falas per qytetaret shqiptare, rritet shqetesimi i nderkombetareve ne prag te zgjedhjeve. Mengjesin e djeshem, 4 nga diplomatet e huaj te akredituar ne Shqiperi, kane zhvilluar nje takim ne zyrat e bashkise me kryetarin Edi Rama. Ambasadori amerikan Xhon Uidhers, kreu i delegacionit te komisionit Evropian, Helmut Lohan dhe ambasadorja ceke Marketa Fialkova, kreu i OSBE ne Tirane, Robert Bosh jane takuar me kreun e bashkise se Tiranes, njekohesisht dhe lideri i opozites, Edi Rama. Nuk ka informacione nga zyra e bashkise se Tiranes rreth ketij takimi, por besohet se zgjedhjet e qershorit dhe kryesisht ceshtja e kartave te identitetit, kane qene ne thelb te bisedimeve mes diplomateve te huaj dhe Rames. Vetem nje dite me pare, kryeministri Berisha priti menjehere pas mbledhjes se qeverise, katershen e ambasadoreve. Takimi u zhvillua me dyer te mbyllura ne Kryeministri dhe shume pak detaje u bene te ditura per median. Ne tryeze ishin te pranishem dhe ministri i Jashtem, Basha dhe zv-kryeministri Genc Pollo. Burime prane qeverise bene te ditur se zgjedhjet e 28 qershorit ishin ne fokusin e bisedimeve, mes kryeministrit Berisha dhe diplomateve te huaj.