Zgjedhjet në 11 maj, Komisioni Qendror i Zgjedhjeve miraton fletën e votimit
KQZ miraton modelin e fletës së votimit për zgjedhjet parlamentare te 11 majit.
Në fletën e votimit do të përfshihen të gjithë emrat e kandidatëve për deputetë, qofshin ata në listë të mbyllur, por edhe në listën e hapur për të cilët mund edhe të votohet.
Në Qarkun e Tiranës, fleta e votimit do të ketë 539 emra, për 11 subjektet zgjedhore. Përmasat e fletës së votimit do të jenë 58,3 cm me 29,7 cm në të gjitha qarqet.
“Fleta e votimit është njësoj në kuptimin e madhësisë për të gjitha qarqet. Në Tiranë ka një dendësi më të madhe të emrave, por janë të gjithë të lexueshme, po të ishin me font më të madh do ishte më mirë. Por duke vendosur racionalitetin e madhësisë së fletës së votimit me mundësinë e leximit të kandidatëve, raporti qëndron mirë në këtë fletë votimi që kemi përgatitur”, tha Celibashi.
Një ditë më parë, KQZ hodhi shortin për renditjen e partive politike në fletën e votimit ku Aleanca për Shqipërinë Madhështore u rendit e para, ndërsa socialistëve shorti u dha numrin 5.
Renditja:
- PD Koalicioni për Shqipërinë Madhështore
- “Lëvizja Bashkë”
- “Lëvizja Atdheu”
- Koalicioni Euroatlantik
- Partia Socialiste
- Nisma “Shqipëria Bëhet”
- Partia “Aleanca Shqiptare”
- Aleanca “Demokracia e Re”
- Koalicioni “Djathtas për Zhvillim”
- Partia Mundësia
- PSD
Qarku Berat
Qarku Dibër
Qarku Durrës
Qarku Elbasan
Qarku Fier
Qarku Gjirokastër
Qarku Korçë
Qarku Kukës
Qarku Shkodër
Qarku Tiranë
Qarku Vlorë
Qarku Lezhë
