Zgjidhja e krizes negociatoret Ruci e Patozi dje ne Kryesine e Kuvendit
Negociatat mes dy perfaqesuesve te Partise Socialiste Gramoz Ruci dhe te Partise Demokratike Astrit Patozi per zgjidhjen e krizes politike kane vijuar edhe diten e djeshme. Ne menyre te fshehte dhe konfidenciale dy kreret e grupeve parlamentare kane diskutuar paraditen e djeshme per 75 minuta ne Kryesine e Kuvendit.
Vendi i takimit ka qene zyra e kreut te Grupit te deputeteve demokrate Astrit Patozi. Por mbetet ende mister nese palet kane arritur ne ndonje pike te perbashket persa i perket komisionit hetimor per zgjedhjet dhe fatit te fleteve te votimit. Sipas burimeve pas takimit me Patozin Ruci i eshte drejtuar zyres se nenkryetarit te Kuvendit Namik Dokle ku ka qendruar per nje kohe te gjate. Ndonese konferenca e kryetareve nuk solli asnje hap konkret per hetimin e zgjedhjeve mesohet se Patozi i ka dorezuar me shkrim homologut te tij socialist oferten politike te PD-se.
Dy dite me pare eshte mbledhur Konferenca e Kryetareve te ketij institucioni e cila ka diskutuar dhe miratuar kalendarin trejavor dhe programin dymujor te punimeve ne komisione dhe ne seance plenare. Mesohet se ne kalendar nuk eshte perfshire ndonje pike per ngritjen e komisionit hetimor qe do te beje transparencen e zgjedhjeve te ardhshme parlamentare. Megjithese mbledhja eshte zhvilluar me dyer te mbyllura mesohet se kreu i deputeteve socialiste Gramoz Ruci ka kerkuar qe te henen e ardhshme Parlamenti te votoje per ngritjen e komisionit hetimor cka nuk ka gjetur konsensusin e pales tjeter e cila ka argumentuar se per sa kohe ska nje kerkese zyrtare kjo nuk mund te behet. Perfaqesuesit e maxhorances kane vene ne dukje se Parlamenti nuk mund te ngreje nje komision pa pasur me pare nje kerkese te firmosur nga 28 deputete sic e percakton ligji ne fuqi per komisionet hetimor. Per kete arsye ne kalendarin e punimeve nuk eshte perfshire ngritja e komisionit.
4 Shtator 2010