Zhvleresimi, te kufizohet nxjerrja e valutes jashte

Konfindustria i ka kerkuar dje Bankes se Shqiperise dhe autoriteteve te tjera pergjegjese te shtetit, "marrjen e masave te jashtezakonshme per kufizimin e tejskajshem te mundshem, te daljes se valutes nga sistemi bankar shqiptar dhe nga te gjitha burimet e tjera te mundshme joligjore jashte vendit, duke marre shkas nga pasojat mjaft te renda te krizes financiare globale, me shfaqje te qarta ne rritje ne sistemin bankar te vendeve te Evropes Perendimore anetare, por jo vetem te BE-se." Burime nga ky organizem ekonomik bene te ditur se, "venia perballe paaftesise masive dhe ne shifra mjaft te medha financiare te vendeve huamarrese te Evropes Lindore dhe Juglindore per shlyerjen kryesisht te kredive me maturim afatshkurter ndaj bankave te disa prej vendeve me te zhvilluara te Bashkimit Evropian, por jo vetem te tyre, rrezikon qe ne nje kohe jo te larget, t'i vendosi ne pozita te veshtira bankat huadhenese evropiane ne fjale". Sipas Konfindustrias, mosmarrja e masave te tilla parandaluese shteterore sa me shpejt, mund te coje drejt faktit te kryer te pakesimit te rezerves valutore, duke demtuar rende sistemin bankar, deri me sot te qendrueshem te Shqiperise.