Zjarret, 400 me pak se nje vit me pare

TIRANE - Zjarret gjate muajve te veres ne vendin tone, kane qene me te pakta se nje vit me pare. Nje dite me pare, Drejtori i Emergjencave Civile, Alfred Olli, ka deklaruar se kete vit deri me tani jane shenuar 400 zjarre me pak. Gjate fjales se tij, Olli ka kerkuar per vitin e ardhshem me shume fonde per perballimin e emergjencave. Sipas Ollit, ne te gjithe territorin e vendit, gjate stines se veres 2008 u regjistruan 1050 raste zjarresh, afro 400 me pak se ne te njejten periudhe te vitit te kaluar. "Numri i zjarreve problematike, qe shkaktuan deme te medha ne ekonomi, mjedis dhe prona publike e private, ishte 95, rreth 5 here me pak se vitin e kaluar kur pesuam 500 te tille", tha drejtori Olli, i cili vleresoi masat dhe angazhimin maksimal te institucioneve qendrore dhe vendore me strukturat perkatese si Sherbimi Zjarrfikes, Policia e Shtetit, Forcat e Armatosura, Sherbimi Pyjor dhe njesite vendore, te cilat, sic cilesoi ai, reaguan ne menyre te menjehershme dhe ne koordinim te plote. Olli vleresoi dhe ndergjegjesimin e komunitetit dhe kontributin e drejtperdrejte te qytetareve per shuarjen e zjarreve. Drejtori i Pergjithshem i Emergjencave Civile ne Ministrine e Brendshme vleresoi edhe ndihmen e mjeteve te specializuara nga Italia dhe Greqia, per shuarjen e zjarreve nga ajri ne qarqet Gjirokaster, Vlore, Fier, Korce dhe Diber. "Ne kuader te programit qeverises, per periudhen qe pason dhe per vitin 2009, Ministria e Brendshme ka programuar masa si dhe ka planifikuar ne projektbuxhetin e vitit te ardhshem fonde shtese per forcimin e metejshem ne parandalimin dhe shuarjen e zjarreve", perfundoi Olli. "Si rezultat i angazhimit te strukturave, theksoi drejtori i Emergjencave Civile ne Ministrine e Brendshme, u nderhy ne te gjitha rastet e renies se zjarreve ne territorin e vendit, duke kryer 980 operacione. Ministria e Brendshme, ne kuadrin e programit qeverises, per periudhen qe pason dhe per vitin 2009, ka programuar masa , si dhe ka planifikuar ne projektbuxhetin 2009 fonde shtese per forcimin e metejshem te luftes kunder zjarreve. A. Cena