Zmbrapset bashkia, taksa 20 leke
Tregtaret e Elbasanit kane triumfuar pas protestes disaditeshe para godines se bashkise per te kundershtuar cmimin prej 5 mije lekesh ne muaj takse vendi detyrim. Ka qene vete kryetari i Bashkise, Qazim Sejdini, qe ua ka komunikuar dje vendimin per taksen ditore 20,4 leke nje perfaqesie te perbere nga pjesetare nga te gjitha tregjet e ketij qyteti. Qe heret ne mengjes, qindra tregtare te vegjel ishin grumbulluar para bashkise per te kundershtuar taksat vjetore te miratuara nga Keshilli Bashkiak. Tregtaret jane shprehur se nuk mund te shlyejne detyrimet, se nuk sigurojne dot te ardhura per te lare sigurimet shoqerore, licencimin, parate e vendit etj. "Bashkia e Elbasanit ka hequr taksen prej 5 mije leke te reja per regjistrimin per te gjithe tregtaret e lire te ketij qyteti. Tani ata duhet te paguajne vetem 7450 leke takse gjate gjithe vitit, ose 20,4 leke detyrime cdo dite", tha kryebashkiaku Sejdini. Perfaqesia e tregtareve eshte informuar edhe per menyrat e pageses, licencimin dhe detyrime te tjera. Tregtaret ngriten problemin e heqjes se tregut informal, pastrimin e ambienteve dhe largimit te tregtareve qe shesin fshehurazi. Ata kerkuan konkurrence te ndershme dhe bashkia ka per detyre qe te vere ne vend kerkesat e tyre. "Ne i kemi te gjitha mundesite qe te administrojme tregun dhe te plotesojme kerkesat e tregtareve", tha Sejdini.
Tregjet me te medha te Elbasanit jane tregu i fruta-perimeve, bulmetit dhe mallrave industriale ne rrugen e Namazgjase, si dhe tregu i veshmbathjeve ne sheshin para Drejtorise se Bujqesise.
F. Salliu