Zvicra mbështetje për perimtarinë në Kosovë

Prishtinë-Ambasadori i Zvicrës në Prishtinë Lukas Beglinger dhe ministri i Bujqësisë, Pylltarisë dhe Zhvillimit Rural Idriz Vehapi kanë nënshkruar një marrëveshje për projektin e financuar nga Qeveria zvicerane dhe ajo daneze që ka të bëjë me promovimin e hortikulturës në Kosovë.

Me këtë marrëveshje qeveritë e këtyre vendeve kanë mbështetur promovimin e hortikulturës për të ndihmuar rithemelimin e këtij sektori të rëndësishëm pas viteve të neglizhencës dhe shkatërrimit si dhe për të ndihmuar në adaptimin e hapjes së tregut ekonomik.

Ky projekt është i një rëndësie të veçantë për zëvendësimin e importeve të mëdha të pemëve dhe perimeve të freskëta që ndikojnë në qarkullimin e të ardhurave jashtë vendit. qik