Zv/kryeministrja dhe Ministrja e Shtetit për Integrimin Europian Znj.Ermelinda Meksi zhvilloi sot nje takim me delegacionin e Senatit Italian, të kryesuar nga Presidenti i Komisionit për Cështjet

Zv/kryeministrja dhe Ministrja e Shtetit për Integrimin Europian Znj.Ermelinda Meksi zhvilloi sot nje takim me delegacionin e Senatit Italian, të kryesuar nga Presidenti i Komisionit për Cështjet e Jashtme të Senatit, z. Fiorello Provera.

Në këtë takim, u diskutua mbi cështje të integrimit Europian të Shqipërisë, rolit të Italisë në këtë kuadër, si dhe mbi cështje të procesit zgjedhor.

Znj Meksi vlerësoi mbështetjen e vazhdueshme të Italisë në procesin e negociatave për Marrëveshjen e Stabilizim-Asociimit me BE-në, dhe në frymën e partneritetit strategjik që ekziston midis dy vendeve tona kërkoi të njëjtin angazhim të Italisë edhe në periudhën që vjen, në mënyrë që vendet e rajonit tonë të qendrojnë në vëmendjen e Bashkimit Europian.

Z. Provera siguroi për vazhdimësinë e mbështetjes Italiane dhe shprehu kënaqësinë e tij se procesi i integrimit në Shqipëri ka filluar të kuptohet në kompleksitetin e tij. Ne fund te fundit – tha ai – Europa është shumatore e dëshirave dhe sakrificave të secilit prej nesh.

Më pas, të dy bashkëbiseduesit shprehën opinionin e tyre mbi rëndësinë e procesit zgjedhor dhe përgatitjeve për zgjedhjet e ardhme lokale në Shqipëri. Z. Provera theksoi se ecuria e zgjedhjeve të ardhshme është ngushtësisht e lidhur me imazhin e Shqipërisë në arenën ndërkombëtare dhe ky imazh ndikon më pas në perspektivën e integrimit Europian të Shqipërisë.

Nga ana e ZëvendësKryeministres dhe Ministres së Shtetit për Integrimin Europian u informua delegacioni italian mbi përgatitjet e qeverisë shqiptare dhe synimit të saj për të pasur zgjedhje sa më të rregullta, të lira dhe transparente. "Ne jemi të ndërgjejshëm – tha znj. Meksi – se zgjedhjet e pushtetit lokal janë një test për proceset demokratike dhe institucionet e ndryshme në Shqipëri dhe se mbarëvajtja e tyre do te luaje nje rol pozitiv edhe ne procesin e negociatave me Bashkimin Europian.Vullneti konsensual politik qe tregohet per integrimin europian te Shqiperise duhet te manifestohet edhe ne rastin e zgjedhjeve locale". Ajo me pas vleresoi edhe bashkepunimin me institucionet nderkombetare ne kete fushe si OSBE-ODHIR.

Pjesetari tjeter i delegacionit Italian Senatori Pianetti vlersoi punene e bere deri nga Znj.Meksi duke e cilesuar si nje ambsadore te Shqiperise ne bote.

Ne fund te takimit, z. Provera u shpreh se " personalisht dhe në emër të gjithë delegacionit dëshiroj t'ju shpreh simpatinë dhe mbështjen tonë të fuqishme në këtë proces të vështirë dhe ambicioz që keni përpara."