Zyrtare. Bogdani kalon te Udineze për 3.5 milionë euro

Zgjidhet përfundimisht enigma e destinacionit të sulmuesit shqiptar të Serisë A. Erjon Bogdani. Gjigandi i Sienës dhe i Kombëtares shqiptare do të veshë fanelën e Udinezes në kampionatin italian, që pagoi shumën prej 3.5 milionë eurosh për ta bërë të vetin, plus kartonit të mbrojtësit Valerio Bertoto. Kontrata e radaktuar tashmë do të formalizohet ditët e ardhshme. Xhenoa e drejtuar nga presidenti Preciozi i bëri një ofertë publike në shumën 3 milionë euro, një shumë që nuk e kënaqi aq sa duhet klubin bardhezi të Sienës, për më teper që Xhenoa militon në Serinë B të kampionatit italian të futbollit. Lajmi është bërë i ditur nga sajti kataëeb.it. Bogdani është autor i 11 golave gjatë 34 ndeshjeve me fanelën e Sienës gjatë edicionit të kaluar. Për Bogdanin, Udineze është klubi i tij i pestë në Italia, pas Rexhinës, Salernitanës, Veronës dhe Sienës. 29-vjecari Erjon Bogdani gjatë karrierës së tij futbollistike ka zhvilluar 276 ndeshje, ndërkohë që rrjetën e ka gjetur 77 herë (0.27 gola për ndeshje). Bogdani, që në Shqipëri ka luajtur me Partizanin, ka luajtur edhe dy sezone në Kroaci (NK Zagreb) dhe një sezon në Turqi (Genclerbirligi).