Zyrtarizohet "Lëvizjen për mendim ndryshe" në PS. Majal e Blushi takim me bazën socialiste në Tiranë

Një grup deputetësh dhe anëtarë të Partisë Socialiste të cilët janë kundër kryetarit në detyrë të PS, Edi Rama për bojkotin e parlamentit kanë zyrtarizuar sot pasdite "Lëvizjen për mendim ndryshe", e cila sipas tyre " është një lëvizje institucionale dhe kërkon të maksimalizojë përgjegjësitë brenda të majtës". Deputetët Arben Malaj dhe Ben Blushi bashkë me një grup deputetësh të kësaj partie, që e shohin parlamentin si vendin ku Partia Socialiste mund të bëjë një opozitë të fortë ndaj qeverisë, kanë zhvilluar sonte në ambientet e Akademisë së Arteve takimin e parë me anëtarësinë e bazës socialiste. Grupi parlamentar i Partisë Socialiste, i përbërë nga 65 deputetë, nuk mori pjesë në dy seancat e para të legjislaturës së XVIII të Kuvendit, në bazë të një vendimi politik të PS-së, ku parashtrohet si kusht transparenca e plotë e procesit zgjedhor të 28 qershorit 2009. Kundër bojkotit në Kuvend kanë dalë hapur disa deputetë si Arben Malaj, Ben Blushi, Andis Harasani, Kastriot Islami,  etj.