Çështja Khan, sekrete të reja mbi kamarieren

Vazhdojnë të dalin detaje të tjera mbi historinë e kamarieres afrikane që akuzoi për dhunë seksuale ish-kreun e FMN-së, Dominique Strauss Kahn. Sipas edicionit online të "New York Post", kamarierja e hotelit "Sofitel" në lagjen luksoze të Manhatanit është një prostitutë.

Lajmi vjen pas detajeve të zbuluara se kamarierja ishte e lidhur me një kriminel afrikan dhe e përfshirë në një trafik droge.

Ndërkohë, Strauss Kahn e ka kaluar natën e tij të parë pas lirimit nga arresti i shtëpisë në një restorant italian.

Sipas mediave amerikane, ish-drejtori i FMN-së ishte ulur në një tryezë në këndin e restorantit, në shoqërinë e bashkëshortes dhe disa miqve.