Çështja çame të mos përdoret politikisht
Nga Express më 20 qershor 2011 në ora 17:00
Kryetari i PDIU-së, Shpëtim Idrizi, deklaroi se çështja çame nuk mund të përdoret politikisht, duke kërkuar njëkohësisht zgjidhjen e saj me bashkëpunimin e shtetit shqiptar.
"Mbi 300 mijë çamë jetojnë sot në Shqipëri. Politika sot nuk e ka ngritur këtë problem, ndërkohë që duhet marrë në shqyrtim çështja çame", tha Idrizi.
Idrizi bëri me dije se po përgatitet një data baze për secilin prej personave të refuzuar në kufirin grek, ndërsa shqetësimet e PDIU-së i janë përcjellë edhe zyrtarëve të lartë evropiane Stefan Fule dhe Jose Manuel Barroso.