Çmenduria e Saifit, shpullë gazetares

Mund të jetë irritim, frustrim për një sfidë të humbur në kohën shtesë, zhgënjim për eliminim nga një botëror, por ajo që ka ndodhur të mërkurën në Afrikën e Jugut pas SHBA-Algjeri është e turpshme: Rafik Saifi, lojtari algjerian i hyrë në fushë 5 minutat e fundit, shfryn nervat e tij në mënyrën më të keqe, qëllon me shpullë një gazetare, një bashkëkombëse. Asma Halimi, ky është emri i gruas, së cilës Saifi i mbylli gojën. Futbollisti, përveç të tjerash, përplas një shishe në mur, ndërsa Asma Halimi largohet nga shërbimi i sigurisë. Një artikull i vjetër i Halimit nuk është përtypur nga Saifi, edhe pse nuk është e qartë arsyeja e reagimit. “Nuk i thashë asgjë, më goditi papritmas, tregon e befasuar Halimi, prandaj reagova, por nuk i thashë asgjë për ta provokuar”. Kjo është konfirmuar edhe nga gazetarët ndërkombëtarë, të cilët ishin të pranishëm.