"Gladiatori i artë" për filmin "La pivellina"
Filmi artistik italo-austriak "La pivellina" është shpallur fitues i çmimit të madh "Gladiatori i artë", në përfundim të edicionit të dytë të festivalit ndërkombëtar veror të filmit (ISF 2009) që u zhvillua në Durrës për një javë me radhë.
Gjatë një ceremonie përmbyllëse dje në mbrëmje në arenën e amfiteatrit antik, ku morën pjesë artistë shqiptarë e të huaj si dhe qytetarë e pushues të shumtë, juria e këtij edicioni si dhe organizatorët e festivalit akorduan edhe 7 çmime të tjera të rëndësishme.
"La Pivellina", një bashkëprodhim i regjisorëve Tizza Covi dhe Rainer Frimel u vlerësua nga juria ndërkombëtare e festivalit me statuetën e artë "Gladiatori i artë" mes 18 filmave konkurrues, të ndarë në seksionet "Vizione bashkëkohore" dhe "Bota ballkanike", kryesisht bashkëproduksione nga vende të ndryshme të Evropës.
I konsideruar si një dëshmi prekëse mbi kurajon dhe diskriminimin, humbjen dhe bashkimin, një shikim përtej gardhit mbrojtës e të padrejtë të komunitetit, "La pivellina" është historia e vajzës së vogël të braktisur në rrethinat e Romës.
Përveç çmimit "Gladiatori i artë", personalitete të rëndësishëm të jetës artistike në vendin tonë shpallën në emër të jurisë ndërkombëtare shtatë çmime të tjera, njëri prej të cilëve, çmimi Special, iu akordua filmit shqiptar "Alive-Gjallë" i regjisorit Artan Minaroll.
Çmimi "Filmi më i mirë ballkanik" iu dha produksionit kinematografik turk "Tre majmunët", me regji të Nuri Bilge Ceylan.
Kineasti bullgar Stefan Komandarev fitoi çmimin "Regjisori më i mirë" i këtij edicioni për filmin "The world is big and salvation lurks around the corner".
"Aktori më i mirë" i festivalit veror ndërkombëtar të filmit 2009 u shpall belgu Ben Van Ostade për rolin kryesor në filmin "Hapy together-Të lumtur së bashku". Kurse çmimin për "Aktoren më të mirë" e fitoi Betty Qizmolli në filmin hollandez "Katia's sister".
Juria e festivalit e kryesuar nga Rik Vermeulen nderoi me çmimin e karrierës regjisorin e shquar shqiptar Dhimitër Anagnosti, kontributit kinematografik të të cilit i kushtohej në këtë edicion një seksion i veçantë i retrospektivës.
Presidentja e jurisë së kritikës Deborah Jung shpalli filmin fitues të kritikës. "Palermo shooting" i regjisorit Wim Wenders meritoi këtë çmim të rëndësishëm të festivalit.
Të shtatë fituesit u nderuan me statuetat me lartësi 38 cm prej argjendi, të cilat tashmë janë bërë simboli i këtij festivali.
Anila Varfi, drejtore e ISF 2009, i dorëzoi regjisorit italian çmimin simbolik "Pjata e argjendtë", si një risi e festivalit për artistët me famë botërore, mysafirë në festival. Filmi i regjisorit Sorrentino "Il divo" u projektua pasditen e fundit të veprimtarisë më të madhe për filmin që zhvillohet në vendin tonë, duke ngjallur interesimin e dhjetëra spektatorëve që mbushën si rrallë herë sallën e teatrit "A. Moisiu" në Durrës.
Gjatë një ceremonie përmbyllëse dje në mbrëmje në arenën e amfiteatrit antik, ku morën pjesë artistë shqiptarë e të huaj si dhe qytetarë e pushues të shumtë, juria e këtij edicioni si dhe organizatorët e festivalit akorduan edhe 7 çmime të tjera të rëndësishme.
"La Pivellina", një bashkëprodhim i regjisorëve Tizza Covi dhe Rainer Frimel u vlerësua nga juria ndërkombëtare e festivalit me statuetën e artë "Gladiatori i artë" mes 18 filmave konkurrues, të ndarë në seksionet "Vizione bashkëkohore" dhe "Bota ballkanike", kryesisht bashkëproduksione nga vende të ndryshme të Evropës.
I konsideruar si një dëshmi prekëse mbi kurajon dhe diskriminimin, humbjen dhe bashkimin, një shikim përtej gardhit mbrojtës e të padrejtë të komunitetit, "La pivellina" është historia e vajzës së vogël të braktisur në rrethinat e Romës.
Përveç çmimit "Gladiatori i artë", personalitete të rëndësishëm të jetës artistike në vendin tonë shpallën në emër të jurisë ndërkombëtare shtatë çmime të tjera, njëri prej të cilëve, çmimi Special, iu akordua filmit shqiptar "Alive-Gjallë" i regjisorit Artan Minaroll.
Çmimi "Filmi më i mirë ballkanik" iu dha produksionit kinematografik turk "Tre majmunët", me regji të Nuri Bilge Ceylan.
Kineasti bullgar Stefan Komandarev fitoi çmimin "Regjisori më i mirë" i këtij edicioni për filmin "The world is big and salvation lurks around the corner".
"Aktori më i mirë" i festivalit veror ndërkombëtar të filmit 2009 u shpall belgu Ben Van Ostade për rolin kryesor në filmin "Hapy together-Të lumtur së bashku". Kurse çmimin për "Aktoren më të mirë" e fitoi Betty Qizmolli në filmin hollandez "Katia's sister".
Juria e festivalit e kryesuar nga Rik Vermeulen nderoi me çmimin e karrierës regjisorin e shquar shqiptar Dhimitër Anagnosti, kontributit kinematografik të të cilit i kushtohej në këtë edicion një seksion i veçantë i retrospektivës.
Presidentja e jurisë së kritikës Deborah Jung shpalli filmin fitues të kritikës. "Palermo shooting" i regjisorit Wim Wenders meritoi këtë çmim të rëndësishëm të festivalit.
Të shtatë fituesit u nderuan me statuetat me lartësi 38 cm prej argjendi, të cilat tashmë janë bërë simboli i këtij festivali.
Anila Varfi, drejtore e ISF 2009, i dorëzoi regjisorit italian çmimin simbolik "Pjata e argjendtë", si një risi e festivalit për artistët me famë botërore, mysafirë në festival. Filmi i regjisorit Sorrentino "Il divo" u projektua pasditen e fundit të veprimtarisë më të madhe për filmin që zhvillohet në vendin tonë, duke ngjallur interesimin e dhjetëra spektatorëve që mbushën si rrallë herë sallën e teatrit "A. Moisiu" në Durrës.