"Ora e Debatit" i ftuar kreu i PS Edi Rama
Lideri i opozitës Edi Rama i ftuar në emisionin "Ora e Debatit" përballë gazetarit Alfred Peza është shprehur se është i sigurtë që shqiptarët do të votojnë për të ardhmen dhe jo për të shkuarën. Ndërsa për pajisjen e qytetarëve me kartat e identitetit Rama është shpreur se qeveria ka dështuar ta garantojë procesin dhe të garantojë transparencë dhe njëkohësisht edhe sigurinë në këtë proces. "Ju e keni dëshmuar, të tjerë sy të vëmendshëm të tjera burime të pavarura të informim e kanë dështuar, që ky proces është karakterizuar nga konfuzioni, është karakterizuar nga episode të papëlqyeshme dhe është karakterizuar nga mungesa e garancive se të gjithë do të mund të votojnë më 28 qershor me një kartë identiteti që do ta kenë në dorë" ka theksuar Rama. Ai gjithashtu është shprehur se është plotësisht i bindur që kjo është një shprehje e paaftësisë dhe papërgjeshmërisë së kësaj qeverie, por edhe të një vesi të vjetër të Sali Berishës, i cili nuk e ka në formimin e tij dhe nuk e ka në mundësitë e tij të të kuptuarit së botës, lirinë e të tjerëve për të zgjedhur. "Për ne shtyrja e zgjedhjeve nuk ka qenë asnjëherë një opsion, për ne zgjedhjet duhet të mbahen në afatet kushtetuese. 28 qershori është dita kur njerëzit duhet të vendosin për t'u ndarë nga kjo politikë e vjetër e së shkuarës" ka theksuar Rama.
Por Edi Rama ka sqaruar në emisionin e gazetarit Alfred Peza edhe emrat e rinj në listën e deputetëve si dhe arsyet për mungesën e figurave të njohura të kësaj partie në garën e 28 qershorit. "Unë do të shprehja këtu respektin dhe mirënjohjen time më të thellë për këta njerëz përgjithësisht, për gjithçka që kanë bërë dhe për gjithçka kanë dhënë por ndërkohë siç e kam thënë dhe e përsëris edhe këtu, listat e deputetëve nuk janë lista që ndërtohen mbi bazën e kontributeve në të shkuarën, por janë lista që ndërtohen mbi bazën e angazhimit për së nesërmen" theksoi Rama. Ai gjithashtu shtoi se nuk ka përjashtuar në asnjë mënyrë, por përkundrazi e konsideron absolutisht të rëndësishëm për shoqërinë kontributin që vazhdon të japë Presidenti Mejdani dhe kontributin që kanë dhënë për parlamentin e Shqipërisë Musa Ulqini, Ylli Bufi. Rama theksoi edhe kontributin e Shkëlqim Canit si njëri nga njerëzit që asistuan me shumë dashamirësi dhe me shumë profesionalizëm në shkrimin e programit të ri. Por Edi Rama i ka kthyer përgjigje edhe akuzave të ish-liderit të PS Fatos Nano duke deklaruar se PS nuk ka nevojë për deputet që vijnë njëherë në 6 muaj në parlament.
Por Edi Rama ka sqaruar në emisionin e gazetarit Alfred Peza edhe emrat e rinj në listën e deputetëve si dhe arsyet për mungesën e figurave të njohura të kësaj partie në garën e 28 qershorit. "Unë do të shprehja këtu respektin dhe mirënjohjen time më të thellë për këta njerëz përgjithësisht, për gjithçka që kanë bërë dhe për gjithçka kanë dhënë por ndërkohë siç e kam thënë dhe e përsëris edhe këtu, listat e deputetëve nuk janë lista që ndërtohen mbi bazën e kontributeve në të shkuarën, por janë lista që ndërtohen mbi bazën e angazhimit për së nesërmen" theksoi Rama. Ai gjithashtu shtoi se nuk ka përjashtuar në asnjë mënyrë, por përkundrazi e konsideron absolutisht të rëndësishëm për shoqërinë kontributin që vazhdon të japë Presidenti Mejdani dhe kontributin që kanë dhënë për parlamentin e Shqipërisë Musa Ulqini, Ylli Bufi. Rama theksoi edhe kontributin e Shkëlqim Canit si njëri nga njerëzit që asistuan me shumë dashamirësi dhe me shumë profesionalizëm në shkrimin e programit të ri. Por Edi Rama i ka kthyer përgjigje edhe akuzave të ish-liderit të PS Fatos Nano duke deklaruar se PS nuk ka nevojë për deputet që vijnë njëherë në 6 muaj në parlament.